கொரோனா தடுப்பூசிக்கு பதிவு செய்யும் இணையதளமான cowin இணையதளம் ஆங்கிலத்திலும், இந்தியிலும் மட்டுமே இருந்த நிலையில் புதிதாக 9 மொழிகளில் கொண்டுவரப்பட்டது.
இதில் தமிழ்மொழி புறக்கணிக்கப்பட்டுள்ளதால் கடும் கண்டனம் எழுந்தது.
எனவே உடனே சரிசெய்ய வேண்டும் என்று மத்திய அரசுக்கு வலியுறுத்துமாறு சுகாதாரத் துறைக்கு முதலமைச்சர் மு க ஸ்டாலின் உத்தரவிட்டிருந்தார்.
இந்நிலையில் தமிழக அரசு மற்றும் அரசியல் கட்சியினரின் வலியுறுத்தலை தொடர்ந்து கோவின் இணையதளத்தில் தமிழ் சேர்க்கப்பட்டுள்ளது.
தற்போது தமிழ் மலையாளம் உள்ளிட்ட 10 மொழிகள் கோவின் இணையதளத்தில் சேர்க்கப்பட்டுள்ளது என்பது குறிப்பிடத்தக்கது.
கோவின் இணையதளத்தில் தமிழ்மொழியை சேர்ப்பதற்கான தொழில்நுட்பத்தை செய்வதற்காகவே மற்ற மொழிகள் சமீபத்தில் நீக்கப்பட்டதாகவும், தற்போது தமிழ் உள்பட 10 மொழிகள் இணைக்கப்பட்டுள்ளதாகவும் விளக்கம் அளிக்கப்பட்டுள்ளது.