‘ஜகமே தந்திரம்’ திரையரங்கில் வெளியாகும் என்று நம்பிக்கையுடன் இருப்பதாக தனுஷ் தெரிவித்துள்ளார்.
கார்த்திக் சுப்புராஜ் இயக்கத்தில் தனுஷ், ஹாலிவுட் நடிகர் ஜேம்ஸ் காஸ்மோ, ஐஸ்வர்யா லட்சுமி, லால் ஜோஸ், கலையரசன், ராசுக்குட்டி உள்ளிட்ட பலர் நடிப்பில் உருவாகியுள்ள படம் ‘ஜகமே தந்திரம்’. சந்தோஷ் நாராயணன் இசையமைக்க, ஸ்ரேயாஸ் கிருஷ்ணா ஒளிப்பதிவு செய்துள்ளார்.
ரிலையன்ஸ் நிறுவனம் வழங்க ஒய் நாட் ஸ்டுடியோஸ் நிறுவனம் தயாரித்துள்ளது.
கடந்த ஆறு மாதங்களாக படம் ஓடிடி , தியேட்டர் என்று மாறி மாறி செய்திகள் வந்தவண்ணம் உள்ளன.
இந்நிலையில் ‘ஜகமே தந்திரம்’ வெளியீடு தொடர்பாக தனுஷ் தனது ட்விட்டர் பதிவில் கூறியிருப்பதாவது:
“திரையரங்க உரிமையாளர்கள், விநியோகஸ்தர்கள், திரைப்பட ரசிகர்கள் மற்றும் பெரும்பாலான எனது ரசிகர்களைப் போல நானும் ‘ஜகமே தந்திரம்’ திரையரங்கில் வெளியாகும் என்று நம்பிக்கையுடன் இருக்கிறேன்.”
இவ்வாறு தனுஷ் தெரிவித்துள்ளார்.
Hrithik-Kangana case to be investigated by Crime Branch