விஜய் டிவியில் ஒளிபரப்பாகி வரும் மிகவும் பிரபலமான நிகழ்ச்சி குக் வித் கோமாளி, பெரிய அளவில் ரசிகர்களை கொண்ட இந்த நிகழ்ச்சி விரைவில் முடிவடையவுள்ளது.
மேலும் குக் வித் கோமாளி சீசன் 2 பைனல்ஸ்கு நிகழ்ச்சியில் அஸ்வின், பாபா பாஸ்கர், கனி, ஷகீலா, பவித்ரா உள்ளிட்டோர் தேர்வாகியுள்ளனர்.
இதனிடையே அண்மையில் இந்த பைனல்ஸ் எபிசோடின் ப்ரோமோ வெளியாகியிருந்தது, இதில் நடிகர் சிம்பு சிறப்பு விருந்தினராக கலந்துகொண்டு சிறப்பித்துள்ளார்.
அதுமட்டுமின்றி பிரபல பாடகி தீ , பாடகர் அறிவு , இசையமைப்பாளர் சந்தோஷ் நாராயணன் உடன் குக் வித் கோமாளி பைனல்ஸ் வந்துள்ளனர்.
இந்நிலையில் தற்போது விஜய் டிவி-யில் புதிய ப்ரோமோ வெளியாகியுள்ளது.
அதில் இசைப்புயல் ஏ.ஆர்.ரகுமான் திரையில் வந்து குக் வித் கோமாளி நட்சத்திரங்களுடன் பேசியுள்ளார்.
மேலும் அவர் முக்கிய போட்டியாளரான கனியிடம் பைனல்ஸிலும் காரா கொழம்பு தானா எனவும் , பழைய ஜோக் தங்கதுரை காமெடியையும் கலாய்த்து உள்ளார் . இந்த வீடியோ தற்போது சமூக வலைத்தளங்களில் வைரலாகி உள்ளது.
