வெள்ளை மாளிகையின் அதிகாரப்பூர்வ ட்விட்டர் பக்கத்தால் பின் தொடரப்படும், உலக நாடுகளை சேர்ந்த ஒரே தலைவர் என்ற பெருமையை பிரதமர் மோடி பெற்றுள்ளார்.
21 மில்லியன் பின்தொடர்பாளர்களை கொண்டுள்ள அமெரிக்க அதிபர் அலுவலகத்தின் ட்விட்டர் கணக்கினால் வெறும் 19 பேர் மட்டுமே பின் தொடரப்படுகின்றனர்.
அவர்களுள் அதிபர் ட்ரம்ப், மெலானியா ட்ரம்ப், துணை அதிபர் மைக் பென்ஸ் உள்ளிட்ட 16 பேர் அமெரிக்கர்களாவர். அது தவிர உலக தலைவர்களில் பிரதமர் மோடி மட்டுமே பின் தொடரப்படுகிறார்.
மேலும் குடியரசுத்தலைவர் ராம்நாத் கோவிந்த், மற்றும் பிரதமர் அலுவலக ட்விட்டர் கணக்குகளும் பின் தொடரப்படுகின்றன. அமெரிக்காவுக்கும், இந்தியாவுக்கும் இடையே நீடித்து வரும் நட்புறவை பிரதிபலிக்கும் விதமாக இந்த நகர்வு பார்க்கப்படுகிறது.
