சீன நிறுவனமான ஓப்போ சர்வதேச சந்தைகளில் நிகழும் ஸ்மார்ட்போன் வியாபாரத்தில் குறிப்பிட்ட இடத்தை பிடிக்க அவ்வப்போது புதிய மாடல்களை வெளியிட்டு வருகிறது. அந்த வகையில் ‘ஏ92’ என்ற புதிய மாடலை வரும் ஏப்ரல் 29ஆம் தேதி வெளியிடுகிறது. இந்த போன் சீனாவில் மட்டுமே வெளியாகும் எனத் தெரிவிக்கப்பட்டுள்ளது.
6.57 இன்ச் ஃபுல் ஹெச்டி டிஸ்ப்ளே கொண்ட இந்த போன் 5ஜி நெட்வொர்க் ஆப்ஷனுடன் தயாரிக்கப்பட்டுள்ளது. இதன் பின்புறத்தில் 4 கேமராக்கள் மற்றும் முன்புறத்தில் 2 கேமராக்கள் என மொத்தம் 6 கேமராக்கள் உள்ளன. பின்புறத்தில் 48 எம்பி (மெகா பிக்ஸல்) சென்ஸார் கொண்ட மெயின் கேமரா வழங்கப்பட்டுள்ளது. அதன் துணைக் கேமராக்களின் எம்பி-க்கள் அறிவிக்கப்படவில்லை. அத்துடன் 16 எம்பி செல்ஃபி கேமராவும், அதற்கு 2 எம்பி டெப்த் சென்ஸாரும் கொடுக்கப்பட்டுள்ளது.
